Podemos dicir que o código QR é coma un código de barras bidimensional, trátase dunha matriz de puntos caracterizada polos 3 cadros grandes das súas esquinas, estes serven para que o lector saiba a orientación do código a ler.

QR deriva de "Quick Response" (resposta rápida), xa que a idea destes códigos e que se lean de xeito rápido, son especialmente útiles para a inserción rapida e efectiva de datos nun teléfono móbil, como poden ser: enderezos web, mensaxes de texto, números de teléfono ...

En Xapón, onde naceron, utilízanse de xeito habitual desde fai anos e inda que orixinariamente utilizábanse na industria automobilística para etiquetar repostos extenderon o seu uso ao consumidor habitual.

Hai diversas aplicacións móbiles que permiten ler os qr codes, é imprescindible que o noso teléfono conte con cámara de fotos,

Enlaces de interese:

Código QR en Wikipedia

Xerador on-line de QR codes Kaywa

Lector de QR codes Kaywa

Quick Mark, lector compatible con IPhone, hai moitos máis, basta con buscar "qr" no AppStore.

Cada día vai aumentando máis o número de posuidores do DNI electrónico, que agora trae un pequeno chip no que van almacenados datos tales coma:

• Un certificado electrónico para autenticar ao usuario.
• Un certificado electrónico para firmar electrónicamente, coa mesma validez xurídica que a sinatura manuscrita.
• Certificado da Autoridade de Certificación emisora.
• Claves.
• Pegada dactilar.
• A nosa fotografía
• A nosa sinatura manuscrita pero en formato digital.
• Datos do usuario, (nome, enderezo, etc...)

Todos estos datos atópanse cifrados con clave pública-privada, de xeito que é un sistema moi seguro.

A principal característica do DNI-e é que nos permite identificarnos de xeito seguro ante unha máquina co que poderemos acceder a diferentes servizos que se irán incrementando co paso do tempo, algúns deles poden ser:

• Compras asinadas a través de Internet.
• Trámites coas administracións públicas sen ter que desprazarnos e a calquera hora.
• Acceso á banca on-line de xeito seguro.
• Acceder ao noso pc de xeito seguro.

Para poder acceder a moitos destes servizos necesitaremos un lector de DNI electrónico, actualmente rondan os 15 ou 20 € pero co tempo irán baixando o prezo.

Estamos no Ano Internacional da Astronomía, e como xa falamos nun podcast, existen diversas aplicacións que fan do noso pc ou mac un planetario virtual, pero cando saímos pola noite a ver as estrelas non sempre temos un portátil a man polo que unha aplicación que faga o mesmo pero no noso móbil permítenos orientarnos perfectamente no ceo, ubicar as estrelas e coñecer as súas características con total liberdade de movementos.

Existen diferentes aplicacións que fan que o noso teléfono móbil se convirta nun completo planetario.

Unha de elas é, o xa comentado,Star Walk, que se trata dun producto oficial IYA2009 pero que só está dispoñible para o Iphone. Trátase dun completo planetario no que poderemos coñecer as características e ubicación das estrelas de xeito doado. Tamén permite ver como se van desprazando no ceo co paso do tempo, sen dúbida indispensable para os amantes da astronomía que conten co teléfono de Apple.

Para os usuarios de móbiles Android a poción é SkyMap, que se pode descargar directamente co móbil a través do Android Market.

E por último se o teu móbil é symbian poderás instalar o MicroSky, unha aplicación máis sinxela cas anteriores pero que, coma todas, permite identificar correctamente as estrelas, constelacións e planetas que se atopan no firmamento, o unico que se necesita é unha noite sen nubes e un lugar con pouca contaminación lumínica.

A medida que contamos con máis equipos e dispositivos electrónicos os cables eléctricos vanse acumulando detrás do escritorio, diferentes compañías están a desenvolver tecnoloxías que permitan suprimir estes cables, a transmisión inalámbrica de enerxía electrica xa non é unha utopia.

Enlaces Relacionados:

Sony

Wikipedia

Tamén comentamos as ventaxas de Shazam, unha aplicación móvil que che di que canción estás a escoitar.

Aparte de ser un coñecido héroe de comic, Shazam é unha interesante aplicación que lle engade ao noso móbil a habilidade de recoñecer calquera canción que estemos a escoitar.

Para conseguilo basta con acceder á súa web www.shazam.com, está dispoñible para a maioría das plataformas (Blackberry, Android, Iphone...). O seu uso é moi sinxelo, basta con deixar que o móbil "escoite" uns 10 segundos da canción que nos interese e despois de analizala obteremos o título e autor da canción así coma algunha información extra que poderán ser enlaces a youtube para vídeos musicais da canción, obter a discografía do autor ou grupo, mesmo enviala ao tweeter.

Ollo, para que este servizo funcione, inda que é totalmente gratuíto e necesario que o dispositivo se poida conectar a internet para enviar a análise da canción e recibir os datos.

Testeamos a aplicación nun pub con ruido de fondo e recoñeceu a canción á primeira, inda que se o volume é demasiado elevado pódese dar o caso de que non funcione. Tamén probamos con cancións rebuscadas e puidemos comprobar que contan cunha ampla base de datos.

Unha alternativa ao Shazam é o Midomi que conta cunha web en castelán e ofrece servizos similares.

A partires de agora xa contades cunha nova arma para cando non recoñezas ou non lembres o título desa canción que estás a escoitar.