O 2009 e o Ano Internacional da Astronomía, diferentes asociacións estan a organizar actividades para que a xente se interese un pouco máis polo tema. Para os usuarios que comezan e tamén para os expertos hoxe ofrecemos varias aplicacións gratuítas que permiten ver o ceo desde o pc ou mesmo desde o teléfono móvil, entendemos que estas aplicacións son para o seu uso coma referencia, coma axuda no visionado para aprender e coñecer qué e o que se está a observar, distiguir constelacións, localizar planetas ...

Recomendamos as seguintes aplicacións:

Google Earth: Como non podería ser doutra maneira, Google implementou nesta aplicación a posibilidade de ver as estrelas e constelacións e todo con unha chea de datos enlacados, fotografías e información dos astros.

Celestia: Un pouco máis sinxelo que o Eath, no que ata se poden atopar as naves e satélites artificiais, permite a inclusión de diferentes "add-on" que te levan de viaxe polo cosmos, podes descargalos en Proyecto Celestia

Stellarium: Completo planetario virtual que nos permite saber que é o que podemos ver nun determinado momento desde unha determinada posición que introducimos previamente. Podemos seleccionar cada obxecto para obter información del. Moi útil coma referencia nos visionados.

Para teléfonos móviles:

Microsky: Aplicación para móviles que soporte Java, serve como referencia é coma levar un completo planetario no peto.

Star Walk (enlace para usuarios de ITunes): Aplicación para IPhone, de tódalas comentadas é a única de pago, pero por pouco diñeiro (3,99 €) podes ter no teu Iphone , Ipod Touch un completo planetario, moi doado de utilizar e que amosa, coma o Stellarium, que é o que podemos ver nun determinado momento desde unha determinada posición que introducimos previamente.

Ademáis é un produto oficial do IYA 2009, sen dúbida moi recomendable tanto para quen se está a iniciar na observación astronómica. Unha pena que so  estea dispoñible para Iphone, para velo funcionar podedes entrar aquí.

Coincidindo co inicio da Feira do Libro de Lalín falamos dos Libros Electrónicos, comentamos a polémica causada na Feira de Madrid onde non se permitía aos expositores ofrecer este tipo de libros e enumeramos algúns modelos de lector de libros electrónicos aos que inda consideramos que teñen prezos elevados.

Coñece que é a tinta electrónica aquí.

Nestes enlaces poderas atopar: o novo Kindle de Amazon, o Papyre, e o IRex

Aproveitando a recente denuncia por parte das discográficas a Pablo Soto, creador español de programas P2P como Manolito, Piolet ou Blubster, retomamos o debate das descargas en Internet, e o empeño por parte de discográficas, SGAE, e outros organismos en demonizar esté tipo de tecnoloxías, protocolos de comunicación totalmente lícitos e necesarios na rede de hoxe, en prol dos seus propios intereses.

Aquí deixamos un enlace á unha breve participación nun artigo do Faro de Vigo sobre o tema en cuestión.

Outras webs de interese:

www.todoscontraelcanon.es

www.filmica.com/david_bravo

Co paso do tempo os dipositivos móbiles, xa sexan teléfonos, pdas etc foron aumentando a súa complexidade e prestacións unha complexidade de harware conleva un complexidade de sofware co que estes dispositivos xa contan con auténticos sistemas operativos. Estes sistemas están pensados e optimizados para o seu correcto funcionamento en dispositivos cunha memoria e capacidade de proceso limitada, actualmente existen diferentes ofertas no mercado, a última delas o Android un S.O. ideado por Google, del e doutros coma o Symbian falamos no noso programa de hoxe.

Queremos dar a coñecer unha nova forma de facer fotografías que deron en chamar lomografía. Este concepto nace das cámaras Lomo Kompakt fabricadas no 1982 para o pobo soviético pola Unión de Ópticos e Mecánicos de Leningrado (Leningrádskoje Optiko Mechanitschéskoje Objedinénie).

Uns estudantes decidiron mercar un par de cámaras Lomo cas que se adicaron sacar fotos sen pensar, nin usar o visor. Ao revelar os carretes descubriron que polas características das propias cámaras e polo xeito de tomar as fotos o resultado eran unhas fotos en moitos casos desenfocadas pero moi luminosas e saturadas e en todo caso moi frescas polo que decidiron montar un negocio e unha nova filosofía fotográfica, naceu a Lomografía.

Co tempo esta filosofía foise expandindo polo mundo e fundáronse sociedades lomográficas en diferentes países, se estás interesado en saber máis, ou adquirir una cámara lomo aquí tes algúns elaces de interese:

A Lomografía na Wikipedia

Tenda on-line da Sociedade Lomográfica

Sociedade Lomográfica Española